Кок троллейбус маршрут шке корныжым вашталтен
Тачысе кече гыч Йошкар-Олаште кокымшо да шымше номеран троллейбус- влак олнчычсо маршрутышкышт пӧртылыт да Киров ден Мир уремла дене кошташ тӱҥалыт. Кокымшо маршрут Вишнёвый, Лебедев урем дене толын, Сталинград кучедалмашын Геройжо- влак уремыш савырнен, Мир уремыш лектеш, Киров уремыш савырна да Интернационалист воин- влак уремыш пура, Воскресенский урем дене кая, южо рейсше Петров уремыш пура, вара Эшкинин урем дене Ленин проспектыш лекташ да 9-ше микрорайон марте шке маршрутшо дене кая. Шымше номеран маршрут шыл комбинат деч Карл Маркс урем дене Ленин проспектыш лектеш да Лебедев урем марте кудалеш, Сталинград кредалмашын Геройжо- влак урем дене Мир уремыш лектеш, тушечын Киров уремыш пура, умбакыже Петров, Ленин проспект, Карл Маркс уремла дене шыл комбинатыш кудалеш.
