Коммерцийдыме организаций- влакым конкурсыш ушнаш да сеҥышыш лекташ туныктеныт

Коммерцийдыме организаций- влакым конкурсыш ушнаш да сеҥышыш лекташ туныктеныт

          Республикысе коммерцийдыме организаций- влаклан «Президент грант фондын конкурслашкыже ушнаш да сеҥышыш лекташ йӧн- влак» практике семинар эртен. Тудым фондын генеральный директоржын алмаштышыже Иннокентий Дементьев Юлтехын тӱн корпусыштыжо эртарен. Мероприятийыште Республике правительство председательын алмаштышыже Ольаг Бадма- Халгаева участвоватлен. Тудо палемден: тыгай пайдале форум коммерцийдыме организаций- влаклан грантым модын налаш да республикыште социал кӱлешан проект- влакым шыҥдараш полша. Тудо ешарен: Тыгай кугу мероприятий икыше гана эрта. Марий Элым вуйлатыше Юрий Зайцевын ӱжмыжӧ почеш Президент грант фондын еҥже толын. Республикыште 765 коммерцийдыме организаций регистрироватлалтын. Нунын коклаште 365-ше мер да 175-ше юмынйӱла организаций улыт. Иннокентий Дементьевын каласкалымыже почеш кызыт конкурс кая. Тудо 15-ше март марте шуйна. Семинар йодмашым пуымылан гына огыл, а проектирований дене пашам ыштымылан- шонымаш гыч тудым илышыш шыҥдарыме марте пашалан пӧлеклалтын. Тышке регионышто пайдалым ышташ шонышо кумылан еҥ- влак погыненыт. Спикер тыгак йодыш- влаклан вашештен. Тидымат ешарен: конкурсыш ушнаш шонышо- влаклан фондын сайтыштыже онлайн-курс ден марафон- влак эртаралтыт.

             Фото: Марий Элым вуйлатышын администрацийжын увер дене пашам ыштыше пӧлкаже.

Прошлые выпуски