Козьмодемьянск олаште «Илаш! Йӧраташ! Ӱшанаш!» антинаркотик десант лийын
Козьмодемьянск ола ик кечылан наркотик ваштареш виктаралтеш мероприятийым эртарыме площадкыш савырнен. «Илаш! Йӧраташ! Ӱшанаш!» антинаркотик десант акций профилактикым эртарше- влакын вийыштым пырля ушымашке да районлаште мероприятий- влакым пырля эртарымашке виктаралтын. Акций жапыште специалист- влак районлашке лектын коштыт да верлаште лекцийым, мутланымашым, тренингым эртарат. Шукерте огыл нуно Козьмодемьянск олаште лийыныт. Тиде ола республикыште наркоманий дене черланыме шотышто кудымшо верым налеш. Десант жапыште наркотик ваштареш виктаралтше тӱрлӧ мероприятийым эртарыме. Специалист- влак пашаче коллективлаште, школлаште лийыныт. Наркотикым шаркалыме ваштареш кучедалше виктемын, полицийын, «Сеточ» рӱдерын да епархийын, «Орвуян Марий Эл» организацийын, «Доверие» психолого-педагогик рӱдерын еҥышт шуко пайдале пашам ыштеныт.
