Козьмодемьянск трактыште самотёчный коллекторым пужен ыштыме пашам 70 процентлан шуктымо

Козьмодемьянск трактыште самотёчный коллекторым пужен ыштыме пашам 70 процентлан шуктымо
             Козьмодемьянск трактыште самотёчный коллекторым пужен ыштыме пашам 70 процентлан шуктымо. Тудым эше 1974-ше ийыште чоҥымо улмаш. Кызыт шуктымо паша ончыкыжым аварий деч кораҥаш, канализацийын куатшым кугемдаш полша. Черняков деч Бауман урем марте Козьмодемьянск корно, Йыван Кырла урем дене шуйнышо самотёчный коллекторым пужен ыштыме паша кодшо ийысе шошо гыч шукталтеш. Тичмаш кужытшо ик меҥгат 600 метрыш шуйна. Таче кечылан 838 метрыште пашам шуктымо. Тушечын 310 метржым корно йымач рокым шӱтен пыштыме, 528 метржым кӱнчен, шпунтоватлыме чаракым шынден ыштыме. Кызыт мланде паша ышталтеш, пучым пыштышаш негызым ыштат, свайым кырашлан кок вынемым эрыкташ ямдылыме паша кая. Коллекторыште паша тений шыжым мучашлалтшаш.
             Фото: Йошкар- Ола администраций.

Прошлые выпуски