Суд пристав- влак парыман посна амалкалчын 6 автобусшым поген налыныт

Суд пристав- влак парыман посна амалкалчын 6 автобусшым поген налыныт
            Суд пристав- влак парыман посна амалкалчын 6 автобусшым поген налыныт. Рашемдыме: Марий Элыште илыше еҥ Москосо компаний деч лизинг йӧн дене аренде шотышто ойпидыш почеш куд автобусым налын. Икмыняр жап тудо автобус- влакым калыкым шупшыкташ кучылтын да тылзе еда оксам тӱлен шоген. Вара окса пурымым чарнен. Лизинг компаний судыш пуэн. Тудыжо транспортым законло озажлан пӧртылташ пунчалын. Шымлыме годым документ-влакым заказной корреспонденций семын колтымо, молан манаш гын амалкалче нуным шке налаш тореш лийын, судын пунчалжым шке кумылын шуктен огыл. Чыла автобусым тудо петырыман стоянкыш шогалтен да моло транспорт дене авырен шынден. Тидын годымак техникым тудо моло транспортлан шапаш ужаш семын кучылтын. Суд пристав- влак автобуслан чын озашт дене пырля «Пекшиксола- Йошкар-Ола» корнышто верланыше петырыман стоянкыш пурен кертыныт, транспортым луктыныт да озажлан пӧртылтеныт.
         Фото: Россий ФССП-н Марий Элысе виктемжын пресс-службыжо

Прошлые выпуски