Ял озанлык пашам виктараш шончышо- влак шинчымашым налын кертыт

Ял озанлык пашам виктараш шончышо- влак шинчымашым налын кертыт
           Марий Элыште илыше- влак «Кресаньык (фермер) озанлыкым ыштымаш: фермер- влаклан полыш» теме почеш квалификацийым нӧлтымаш программе дене шинчымашым налын кертыт. Российысе менеджмент да агробизнес инженер академий 17-ше февраль гыч фермер, шке озанлыкын еҥже, моло изи озанлыкын, районласе ял озанлык пӧлкан специалист ден вуйлатышышытым дистанций йӧным кучылтын туныкташ тӱҥалеш. Колыштшо- влак тений гыч фермер- влаклан кугыжаныш велым полшымо, «Агротуризм», «Агростартап», еш фермылан, потребитель кооперативлан полышым пуымо нерген, грант полыш программыш ушнашлан бизнес-планым ямдылыме, налогообложнений, учёт да отчёт, тӱҥ ял озанлык продукцийым ыштыме, ялысе туризмым ыштыме нерген тичмаш уверым пален налыт. занятийлам сеҥымашыш шушо фермер, Россий ял озанлык министерствын профилян департаментлажын, АККОР-ын, научно шымлыше институтлан да вузлан специалистышт эртарат. Курсым эртыме деч вара колыштшо- влак квалификацийым нӧлтымӧ нерген удостоверенийым налыт. Тунеммашым ямдылымылан оксам ик тӱжемат 850 теҥгем Академий гыч электрон почто дене документым налме деч вара безналичный йӧн дене тӱлыман. Академийыште тунемаш кумылан- влак 15-ше февраль марте шке шонымашыштым 8 903 559 98 26 номеран телефон дене пеҥгыдемден каласышаш улыт.

Прошлые выпуски