Кодшо ийын олмыктымо вич корно рейтингым вуйлата

Кодшо ийын олмыктымо вич корно рейтингым вуйлата
            Кодшо ийын олмыктымо эн кӱлешан урем- влак нерген. Эртыше ийын «Качестван лӱдыкшыдымӧ корно- влак» калыкле проект почеш чоҥымо да олмыктымо рейтингыш пурышо корно- влак. Нуным эн кужу, эн каҥашыме, эн вучымо, эн социал кӱлешан да эн писын ыштыме объект семын акленыт. «Шернур-Казанское –Кукнур» корно эн кужу да эн туристле объект лийын. Тудо корнын Йӱштӧ Кугызан илемже дек намийышке 32 меҥге кужыт ужашыжым олмыктымо. Эн каҥашыме объект семын «Нурсола- У Торъял» корным шотлымо. Тудым 2024-шо ийыште гына олмыктышаш улыт ыле. Но шуко еҥын йодмыжлан кӧра, кодшо ийынак олмыктен кертме. Эн вучымо событий семын Киров ден Строитель уремлам ушышо магистральын икымше ужашыжым пашаш колтымым шотлымо. А Республикысе йоча клинический эмлыме вер да Йошкар-Оласе йоча эмлыме вер деке намийыше Карл Либкнехт урем эн кӱлешан социал обектыш савырнен. Тиде уремым тенийлан олмыкташ палемдыме ыле. Но ола администраций ден транспорт министерствын тыршымышт дене жапым кусарен кертме да кодшо ийынак олмыктымо. Вич эн кӱлешан корно радамым Лунчарский урем мучашла. Тудо эн писын олмыктымо дене ойыртемалтеш. Тудым вес ийын гына олмыктышаш улыт ыле.  Магистральын икымше ужашыжым пашаш колтымо дене, Ширяйковысо тиде уремымат кодшо ийынак ышташ пунчалме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски