Йошкар-Ола гыч пӧръеҥ 10 кило мӧртньым шолыштын
Киров область гыч пӧръеҥ Йошкар-Олаште 60 тӱжем теҥгеаш 10 килограмм кол мӧртньым йомдарен. Тыге 36 ияш ужалкалышым Йошкар-Ола гыч налше еҥ ондален. Ондалалтше еҥын полицийыште ойлымыжо почеш, интернетыште тудын увертарымашыжлан ондалкалыше вашештен. Йӧным каҥашымек, Йошкар-Олаште вашлияш кутырен келшеныт. Заявитель шке водительжым колтен. Тушто тудын сатужым онченыт да налше еҥ тӱлымӧ нерген шоя чекым кучыктен, 10 килограмм мӧртньым налын каен. Икмыняр жап эртымекат ужалкалыше деке окса толын огыл. Тудлан 60 тӱжем теҥге эҥгекым ыштыме.
