Чыла районышто сурт вольыкым регистрироватлаш тӱҥалыныт
Республикысе чыла районышто сурт вольыкым регистрироватлаш тӱҥалыныт. Январь гыч сурт вольыкым, пырыс ден пийымат обязательно регистрироватлыман. Пунчал дене келшышын, пий ден пырысым налмеке, нуным 15 кече жапыште ветеринарий комитетыште регистрирооватлаш кӱлеш. Комитетыште умылтарыме почеш, вольыкын черже ваштареш кучедалше оласе але районысо станцийыште регистрироватлымек, пырысын але пийын озаже шке йолташыжым оксам тӱлыде орымо чер ваштареш вакцинироватлен кертеш. Тыгак яра консультацийым налын, вольыкшым тергыкташ праван лиеш. Вакцинацийым ыштыкташ шонышо оза тӱҥалтышлан шке пийже ден пырысшым привике деч лу кече ончыч паразит шукш але глиста деч обрабатыватлышаш. Молан манаш гын, вольыкым ик ганат вакцинироватлыме огыл гын, паразитлан кӧра лушкыдемше тазалыкан вольыклан препаратым сеҥашыже неле лиеш, температурыжо кӱза, пушкедеш, укшинчеш да судорога налын кертеш. Сандене тыгай схемым кучылтман: шукш деч обработка, лу кече каныш, адак обработка, эше лу кече каныш, вара гына вакцинаций ышталтеш. Вольык шоҥго гын. ветеринар тӱшка анализым сдатлаш йодын кертеш.
Фото: Республикысе ветеринарий комитет.
Фото: Республикысе ветеринарий комитет.
