Куд медицина пашаеҥ ялыш пашам ышташ каен
Марий Элыште куд медицина пашаеҥ ялыш пашам ышташ каен. «Земский врач» ден «Земский фельдшер» программым шыҥдарыме кышкарыште тений август – сентябрьыште вич ойпидышым кылдыме. Мутлан, Медведево районысо Озакъял ФАП-ыште акушерка, Морко Шерегановысо да Шернур Лажъялысе ФАП-лаште фельдшер-влак пашам ышташ тӱҥалыт. А Куженер ден Советский рӱдӧ эмлыме верыш терапевт-врач- влак мият. Тенийлан чылаже кок программе почеш 28 врач ден 6 кыдалаш медицина пашаеҥым пашаш пурташ палемдыме. Кызытлан врачын ныл вакансийже кодын. Специалист- влакым райрӱдӧ эмлыме верлаште да Семёновкысо амбулаторийыште вучат. 2012-шо ий годсек 185 медицина пашаеҥ дене ойпидышым кылдыме.
