Йолын коштмаш пеш пайдале

           Йолын коштмо дене «Ошкылшо айдеме» Российын чемпионатше тӱҥалеш. Тудлан тӱҥалтышым Нацийын тазалык лигыжын президентше, тӱҥ кардиохирург, академик Лео Бокерия ыштен. Таҥасымаш кок йыжыҥ дене эрта. 10-шо октябрь марте регистрацийым эртыман, командым чумырыман, таҥасыше- влакым туныктыман. Латвизымше октябрь гыч 15-ше ноябрь марте тӱҥ йыжыҥже лиеш. Чемпионатышке тӱрлӧ команде ушнен кертеш. Тиде- организаций- влакын, муниципалитет-шамычын, пенсионер, тӱнемме тӧнеж- влакын, таза илыш йӱлам кучышо тӱшка- влакын командышт. Ушнашлан 20-50 еҥан командым ыштыман да «Ошкылшо айдеме» мобильный приложенийыште  яра регистрацийым эртыман. Приложений ушнышо- влакын ошкылыштым шотлаш тӱҥалеш да команде- влакын рейтингыштым ышта. «Человек идущий» чемпионат Российысе спорт министерствын полшымыж дене эртаралтеш.
           Фотом проектын официальный сайтше гыч налме.

Прошлые выпуски