«Мариэнерго» кугу чодыра тулым йӧртымаште чот полшен

                 Марий Элым вуйлатыше чодыраште кугу тулым йӧрташ полшымылан Игорь Маковскийлан тауштымашым каласен. «Россети центр» ден «Россети Центр и Приволжье» энергокомпанийым вуйлатышын тӱҥалтышыж почеш  Республике кундемыште кугу тул гӱжлымылан кӧра «Мариэнергошто» пашам ыштыме посна режимым пуртымо ыле. Филиалыште вуйын шогышо- влак сутка мучко дежуритлаш тӱҥалыныт, 232 еҥан 63 аврийно- тӧрлышӧ бригадым да 91 техникым ямде улмо режимыш кусарыме. Энергетик- влак социал кӱлешан да инфраструктуро объект- влакым посна контрольыш налыныт. Тыгак нуно пожарный- утарыше- влаклан полшеныт. Кугу полышлан да электропередаче линий- влакым, тыгеже калыкымат, электротул деч посна кодыдымылан Республикым вуйлатыше Александр Евстифеев «Россети Центр» дене «Россети Центр и Приволжье» ушемын генеральный директоржо Игорь Маковскийлан кугу таум каласен.

Прошлые выпуски