Куд тӱжем еҥ шкаланже шке пашам ситара

            Марий Элысе промышленность, экономически вияҥмаш да торговля министр  Станислав Крылов прокуратура коллегийын кумдаҥдыме заседанийыштыже участвоватлен. Тушто калыкле проект- влакым тений 9 тылзыште шыҥдарыме годым законым кузе шуктен толмо йодышым каҥашеныт. Министр «Изи да кыдалаш предпринимательство ден посна амалкаче пашалан полшымаш» проектым шыҥдарымаш дене кылдалтше йодышым тарватен. Тушто палемдыме: Республикыште амалкалче пашалан кугу полыш пуалтеш. Тиде- окса да пого, увер да умылтарыме, экспортлан ямдылыме да грант полыш. Шке ойыштыжо Станислав Крылов поснак самозанятый еҥ-влакым палемден, нунын экономик куатышт уло. Тидыже изи да кыдалаш бизнес аланыште пашам ыштыше- влакын чотыштым кугемдаш полша манын. Тений икымше сентябрьлан шотлымаште республикыште куд тӱжем утла самозанятый еҥ уло. Тидыже тенийлан палемдыме прогноз деч 61 процентлан шукырак. Министр тидымат каласен: изи да кыдалаш предпринимательство дене калыкле проектын палемдыме цельже ок шукталт манме лӱдыкшӧ уке.

Прошлые выпуски