Марий тӧтырет пуч эн сай сувенир радамыш логал кертеш
Марий тӧтырет пуч Юл кундемын эн сай сувенирже радамыш логал кертеш. Тудо «Турист сувенир» - Юл кундем 2021» Россий конкурсын округысо йыжыҥыштыже финалист радамыш пурен. Семӱзгарым шке кидше дене Башкортостанысе марий историй да тӱвыра рӱдержын тӱҥ специалистше Алексей Ибулаев ыштен да конкурсыш пуэн. Тудо «тӱнямбалне ик эн первый сотовый телефоным эксперт- влаклан аклаш пуэнам» манын. Финалыш округысо 12 регион гыч 453 ӱзгар лектын. 22-шо- 23-шо октябрьыште эксперт- влак округысо йыжыҥыште кум сеҥышым ойырен налыт. Нуныжо вара Российысе конкурсышто таҥасаш тӱҥалыт.
Фото: МариМедиа.
Фото: МариМедиа.
