Таче илалше- влакын Тӱнямбал кечышт палемдалтеш
Таче илалше- влакын Тӱнямбал кечышт палемдалтеш. Тиде пайрем дене республикысе калыкым Марий Элым вуйлатыше Александр Евстифеев саламла. Икымше октябрьыште ме кугурак тукымым суапландарена. Илалше- влакын Тӱнямбал кечышт- нунылан пагалымашнам да йӧратымашнам каласаш эше ик амал. Те сӧй пасуштат, тылыштат сеҥымашым лишемденда, сар деч варасе неле жапым чытен лектында, пужен ыштыме жапыште иленда, чыла нелылыкым сеҥен, элнам вияҥдымашке шке надырдам пыштенда. Мемнан шуко сеҥымашна тыланда кӧра лийын. Марий Эл правительствын задачыже- кугурак тукымлан шукырак тӱткышым ойыраш, илаш да канаш сай йӧным ышташ, кӱлешан социал полышым пуаш. Кызыт утларак да утларак илалше еҥ ятыр кӱлешан у пашашке ушна, самырык тукым дене патриотзм пашам шукта, волонтёр толкынышто шога. Те шкендан куатда да ӱшанда дене да шкендан примерда дене тӱҥлан туныктеда- шочмо элым йӧраташ да элнан ончыкылыкшо верч вуйын шогаш. Чылалан тазалыкым, пиалым да улан илышым тыланем.
