Сарын 70 ветеранже октябрьыште Россий Президентын лӱман саламлымашыжым налеш.

                  Республике гыч сарын 70 ветеранже октябрьыште Россий Президентын лӱман саламлымашыжым налеш. Икмыняр жап ончыч Кугу Ачамланде сарын ветеранже- влакын сар да паша надырыштым аклен да пагален Владимир Путин элыштына илыше- влаклан лӱмгече дене посна саламлымашым колташ тӱҥалын. 90, 95 да 100 ийым темыме кечын сарын инвалидше, тылыште тыршыше, блокадник да моло ветеран- влак элым вуйлатыше деч саламлымашан открыткым налыт. Нунын нерген уверым Пенсий фондын специалистше- влак поген ямдылат. Тенийсе октябрьыште Президент деч саламлымашым 70 юбиляр налеш. Нунын кокла гыч 59-ыже ӱдырамаш улыт. Эн шукыжо Йошкар-Олаште илат- 23 еҥ. Тидымат рашемдыме: октябрьыште ик юбиляр 100 ияш лиеш, 12 ветеран 95 ийым тема, молыжо 90 ийым палемдаш тӱҥалеш.

Прошлые выпуски