Кугу ваптыш дене колым кучышо вич тӱжем теҥге штрафым тӱлен утлен
Республикыштына кугу ваптыш дене колым кучышо вич тӱжем теҥге штрафым тӱлен утлен. Курык марий районысо суд участкын мировой судьяже районын прокуроржо дене пырля Козиково посёлкышто илыше еҥ шотышто уголовный пашам ончен лектыныт. Рашемдыме: кодшо ийын майыште 33 ияш пӧръеҥ колым кучаш чарыме жапыште Вӱтла эҥерыште ваптышым вераҥден. Тыге тудо 53 вуй шемшулдыр колым кучен. Пӱртӱслан 53 тӱжем теҥге эҥгекым конден. Тиде оксам тудо шке кумылын пӱтынек пӧртылтен. Тудым титаканлан шотлымо. Кугыжаныш титаклышын шонымашыжым шотыш налын, браконьерлан вич тӱжем теҥге штрафым тӱлыкташ ыштыме.
