Марий Элыште 100 процент школым писе интернет деке ушымо

Марий Элыште 100 процент школым писе интернет деке ушымо
             Марий Элыште 100 процент школым сайын аралыме писе интернет деке ушымо. Республикысе правительствын заседанийыштыже туныктымо системым цифре дене кылдыме да туныктышо ден тунемше- влаклан кызытсе электрон сервисым вияҥдыме йодышым каҥашыме. Республикыште «Кванториум» 6 йоча технопаркым, 4 АйТи-куб рӱдерым ыштыме, «Пилотде чоҥештылше авиаций системе» 17 кружокым почмо. 254 тунемме тӧнежыште материально-техник базым уэмдыме.
             Туныктымо пашам цифровизироватлыме нерген Республикым вуйлаыше Юрий Зайцевлан туныктыш министр Лариса Ревуцкая увератрен. Кызыт республике черетан йыжыҥыш кусна- ик тичмаш экосистемым ыштымашке. Тушто тунемме цифран платформо, сервис ден контент- влак дене кажне тунемше, туныктышо, ача-ава пайдаланен кертеш. Российын Просвещений министерствыже «Образований» ик доменым ыштен. Тудо туныктымо системын цифран двойникше улеш да тӱҥ федерал системе- влак- «Мыйын школем» да МАКС мессенджер деке ушымо улыт. Марий Эл «Моя школа» системыште чыла данныйым ончыктымо качестве дене «ужар» зонышто улеш. Тунемше- влакын успеваемостьышт нерген уверым «Кугыжаныш полыш. Мыйын школем» федерал мобиль сервис гоч пален налаш лиеш. Тудым МАКС мессенджер ден ушымо. Кум тылзыште приложений дене пайдаланыше ача-ава да тунемгше- влакын чотышт 21 процентат пеле марте кушкын. Республикысе 18 процент туныктышо дене тунемше «Цифран тунемме контентын универсал книгагудыжо» сервис дене пайдаланат.
             Марий Эл МАКС мессенджерыште школ канал- влакын чотышт дене Российысе субъект- влак коклаште икымше верым налын да икымше мартлан возалтше- влакым авалтыме дене 100 процентыш шуктен. Марий Элым вуйлатыше Юрий Зайцев палемден: тунемме тӧнежлаште сайын пашам ыштыше писе интернетым ситарыме дене гына огыл, школлан материальный базыштымат чарныде уэмден шогыман. Заседанийын лектышыже почеш тиде пашам умбакыжат виктарен шогаш кӱштымӧ.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски