Башкортостаныште Моско йылмызе- влак марий йылмым шымлаш тӱналыт
Башкортостаныште йылмызе- влак марий йылмын фонетикыжым, грамматике ден лексикыжым возен налыт. Кеҥежым Мишкан районышто марий йылмым шымлыме шотышто лингвистике экспедиций эрта. Тидын нерген район администрацийым вуйлатыше Лариса Александрова увертарен. Российысе науко академийын Виноградов лӱмеш руш йылме институтшын шымлызыже- влак марий йылмым шымлаш тӱналыт. Нуно верысе мутланымашын ойыртемжым возен налшаш да архив ден тунемме книга- влаклан материалым погышаш улыт.
«Марий йылме- илыше йылме. Тудо яллаште, мурылаште, кажне кечысе илышыште йоҥга. Но тӱткыш, палемден кодымо, пашам ыштыме деч посна мутланыше- влак дене пырля йылме каен кертеш. Экспедиций мутланыме ойыртемым возен кодаш полша, погымо материал шанче архив ден учебниклаштке аралалт кодеш,- палемден районым вуйлатыше. Палашлан: калыкым возен налмашын ончыктымыжо почеш, 2020-шо ийыште Башкортостаныште 84 тӱжемат 900 марий илен. Але республикысе калыкын кок утла процентше. Пытартыш лу ийыште марий калыкын чотшо Пошкырт кундемыште 18 тӱжемат 600 еҥлан шагалемын.- воза «Кидшер» сайт.
Фото: kulturarb.ru\ «Кидшер»
«Марий йылме- илыше йылме. Тудо яллаште, мурылаште, кажне кечысе илышыште йоҥга. Но тӱткыш, палемден кодымо, пашам ыштыме деч посна мутланыше- влак дене пырля йылме каен кертеш. Экспедиций мутланыме ойыртемым возен кодаш полша, погымо материал шанче архив ден учебниклаштке аралалт кодеш,- палемден районым вуйлатыше. Палашлан: калыкым возен налмашын ончыктымыжо почеш, 2020-шо ийыште Башкортостаныште 84 тӱжемат 900 марий илен. Але республикысе калыкын кок утла процентше. Пытартыш лу ийыште марий калыкын чотшо Пошкырт кундемыште 18 тӱжемат 600 еҥлан шагалемын.- воза «Кидшер» сайт.
Фото: kulturarb.ru\ «Кидшер»
