Курык марий районышто «Козьмодемьянск- Кугу Сундырь» корным олмыктымо

           Курык марий районышто «Козьмодемьянск- Кугу Сундырь» корным олмыктымо. «Качестван лӱдыкшыдымӧ корно» калыкле проектлан кӧра корно у тӱсым налын. Кеҥеж кыдалне кумшо гыч 11-ше меҥге марте кужытышто пашам мучашлен эксплатацийыш колтымо ыле. Кызыт 11-ше гыч 26 меҥге марте ужашыште пашам пытарыме. Тудым 2024-ше ийыште гына олмыкташ палемдыме ыле. Но федерал резерв фонд гыч оксам ешарен ойырымылан кӧра пашам тенияк шуктен кертме. Пашалан 171 миллион наре теҥгем ойырымо ыле. Адакшым тений идалык мучаш марте тиде корнын 28-ше меҥгыштыже машинан нелытшым да кугытшым тергыше автомат пунктым ыштат.
               Фото: Социал вотысо «Марий Элысе корно- влак» тӱшка гыч.

Прошлые выпуски