Йошкар-Оласе кум троллейбусышто кондуктор деч посна тӱлымӧ системым пуртат
Йошкар-Оласе кум троллейбусышто коштмылан кондуктор деч посна тӱлымӧ системым пуртат. «Троллейбус транспорт» муниципал предприятий у технологийым шыҥдара да пассажирым обслуживатлыме пилот проектым тӱналеш. Визымше ден луымшо маршрутышто 318-ше, 323-шо да 324-ше номеран троллейбуслаште банк карте але транспорт карте дене тӱлымӧ системым пуртат. Кажне троллейбусышто шке тӱлашлан кум терминал вераҥдалтеш- ончыл, кыдал да шеҥгел площадкыште. Визымше маршрутышто тыгак пассажирым шотлышо система лиеш. Тидыже шуко калыкан чарналтыш- влакым рашемда. Проектым шыҥдарыме икымше йыжыҥыште кондукторлан окса дене тӱлымӧ системат аралалт кодеш. Нине троллейбус- влак маршрутышко тиде арнянак лектыт. Лектышыже почеш кондуктор деч посна пашам ыштымын пайдалыкше аклалтеш да моло маршрутыштат тудым кучылтмо нерген решений лукталтеш.
Фото: «ВНД» газет.
Фото: «ВНД» газет.
