Полномочный представитель ден Марий Элым вуйлатышын пашажым шуктышо Йошкар-Олаште креатив индустрий Школын пашажым акленыт

             Юл кундем округышто Россий Президентын полномочный представительже ден Марий Элым вуйлатышын пашажым шуктышо Йошкар-Олаште креатив индустрий Школын пашажым акленыт. Игорь Комаров ден Юрий Зайцев Калыкле сымыктыш гимназийыш миеныт. Марий Эл у тунемме ий тӱҥалтыш гыч у тунемме кумдыкым ыштыше элысе 32 регион гыч иктыже. Креатив индустрий школым ышташ федерал бюджет гыч 44 миллион теҥгем да республикын казнаже гыч 36 миллион теҥгем ойырымо. Школым Палантай лӱмеш тӱвыра да сымыктыш колледжыште почмо. Тӱвыра министр Константин Иванов палдарен: 6 креатив индустрий студийым почмо: йӱк режиссура да электрон сем, анимаций, фото да видеопроизводство, дизайн да цифран интерактив технолгий. Тушто спецдисциплине да ешартыш усталык корно дене занятийым эртараш тӱналыт: проект паша, пиар, маркетинг, арт дисциплине, ончер паша, актёр мастарлык, тӱвыраште виктарымаш. Тунемме планым кок ийлан палемдыме. 2022-шо 2023-шо тунемме ийлан 120 еҥым налме. Кумылан- влак шукын улат. Сандене умбакыжат налыт. Марий Элым вуйлатышын пашажым шуктышо ден полномочный представитель кабинет ден зал- влакым ончен лектыныт, туныктышо- влак дене мутланеныт. У школым почмо дене йоча- влак утларак усталык мастарлыкым шуарен, тӱвыра аланыште профессионал лийын кертыт манын палемдыме.
             Фото: Марий Элым вуйлатышын организаций да аналитик виктемже.

Прошлые выпуски