Игорь Комаров ден Юрий Зайцев Ай-Ти технологий рынкын лидерже- Айсприҥ компанийыш миеныт

            Марий Элыш паша дене толмо жапыште Россий Президентын Юл кундем округышто полномочный представительже Игорь Комаров ден республикым вуйлатышын пашажым шуктышо Юрий Зайцев Ай-Ти технологий рынкын лидерже- Айсприҥ компанийыш миеныт. Юрий Зайцев палемден: Российын Президентше Владимир Путин элым ончылгоч вияҥдыме шотышто задачым шынден, увер технологий- влак таҥасен кертше продукцийым луктыт, чыла вере элысе программист- влакым ямдылыме сервисым шыҥдарыман. Марий Элыште тиде аланыште тыршыше компаний- влаклан, кадрым ямдылымылан тӱткыш ойыралтеш. Республикыште Ай-Ти сферын лидерже- влак пашам ыштат, сай специалист- влакым ямдылыме инфраструктура вияҥеш. Айсприҥ компаний корпоративно туныкташ программе- влакым ямдыла, штаб-квартирыже Йошкар-Олаште верланен. Компанийын тӱнямбалсе 172 элыште 60 тӱжем наре клиентше уло. Республикыште туныктымо системым ыштыме: Инфотех, Иносфера лицей ден школ пашам ыштат.  Эн кугужо Айсприҥ институт. Тушто тунемше кокла гыч 30 процентше вес олала гыч улыт. Илаш да тунемаш чыла йӧным ыштыме. Полномочный представитель республикыште увер технологийым вияҥдыме аланыште сай кӱкшытыш шумым палемден. Марий Эл кӱкшӧ технологиян регион лӱмжым арален кодышаш манын. Тиде пашашке талантан самырык еҥ- влакым ушыман. Нунын тыште тунемаш да пашам ышташ кумылышт лийшаш .- каласен Игорь Комаров. Юрий Зайцевын мутшо почеш республикыште ай-ти специалист- влакым ямдылыше студент кластерым ыштыме лиеш.
             Фото: Марий Элым вуйлатышын организаций да аналитик виктемже.

Прошлые выпуски