Юрино районышто чодыра пожарын тӱржым тӱрысынек йӧрташ сӧреныт

            Республикысе пожарный- влак таче Юрино районышто чодыра пожарын тӱржым тӱрысынек йӧрташ сӧреныт. Угарман областьын чекыштыже пижше тул 700 гектарым йӱлатен. Тиде кумдык кӧргыштӧ йӱлымӧ кум верже уло. Нуно 6 гектар наре кумдыкым айлат. Уэш пижше вер уке. Тидын нерген  Россий Правительство председательын алмаштышыже, Правительство аппаратым вуйлатыше Дмитрий Григоренкон эртарыме совещанийыште Марий Элым вуйлатышын пашажым шуктышо Юрий Зайцев увертарен. Кызыт йӱлышӧ кок верым йӧрташ тыршат. Тиде Юрино районысо Абросимов участковый лесничествын 110-шо кварталыштыже да Угарман областьысе Михайловский лесничествын 6-шо кварталыштыже. Кече мучаш марте ныл гектар кумдык йӱлышӧ верым йӧрташ палемденыт. Михайловский лесничествын 46-шо кварталыштыже йӱлышо кумшо верымат вӱдым шыжыктен йӧрташ шонат. Юрий Зайцевын мутшо почеш пожар тӱрымат чулымын йӧртат. Теҥгече кечылан Марий Эл гыч йӧртышӧ- влакын тыршыме 36 меҥге кужыт гыч, 16-шым йӧртымӧ. Тачылан мучашлаш палемдыме. 106 еҥ ден 29 технике орола, пожар йыр опорный полоса мучко вӱд шыжыкталтеш да йӧрталтеш. «Авиалесоохрана ден беспилотник- влак кечын терген коштыт. Чыла паша Угарман областьысе штабын вуйлатымыже почеш шукталтеш.
             Фото: Марий Элым вуйлатышын организаций да аналитик виктемже.

Прошлые выпуски