Пушеҥгым йотэлыш колташ тӧчен

           Республикыштына ФСБ йотэлыш пушеҥгым шолып лукмашым чарен. Россий ФСБ-н Марий Элысе виктемжын пашаеҥже- влак йотэлыш пушеҥгым шупшыктымо схемым ыштыше Йошкар-Олаште илыше еҥын закондымо пашажым рашемденыт. Уголовный паша кышкарыште пален налме: осал пашам шонен пыштыше еҥ Российыште стратегически кӱлешан сату да поянлык радамыш пурышо пушеҥгым налме нерген шоя документым кучылтын, ик миллионат пеле теҥгелан пушеҥгым закондымын Китайыш колтен. Йошкар-Ола суд кугыжаныш титаклышын шонымашыже дене келшен да кум ийлан тергыме жап дене кум ийлан условно эрык деч понса кодаш да 120 тӱжем теҥге штрафым тӱлыкташ пунчалын. Тыгак тудо кондымо эҥгекше кугыт оксам кугыжаныш парышыш пӧртылтышаш улеш. Приговор вийым налын.
            Фото: Россий ФСБ-н Марий Элысе виктемже.

Прошлые выпуски