Куженер районышто Немда эҥерын тӱналтышыштыже купельым ыштат
Куженер районышто Немда эҥерын тӱналтышыштыже купельым ыштат. Куженер кундемысе Изи Чарнур ялыште эҥерын тӱналтышым налме верыштыже у турист объектым- купельым тӱзландарыме паша мучашлалтеш. Кумдык вашталтын: купельым плитка дене комыжлымо, пурам вераҥдыме да леведышым ыштыме. Памаш гыч купельыш вӱдлан йогаш пучым да оҥго- влакым ыштыме. Тушко мийыме корнеш тыгыде кӱм шарыме. Увер стендым вераҥдыме. Купельым святитель Спиридон Тримифунсткий лӱмеш святитлат. Православий йӱлаште Святитель Спиридонлан чиктыме изи ката святыньылан шотлалтеш. Тыгай ката- влак тӱҥя мучко ятыр храмыште аралалтыт. Верысе калык шке тыгай катам ямдылен да памаш воктене вераҥден.
Фото vk.com/12tourism
Фото vk.com/12tourism
