Марий Элыште у тунемме ийыште парт коклаш кандаш тӱжем утла первоклассник шинчеш
Марий Элыште у тунемме ийыште парт коклаш кандаш тӱжем утла первоклассник шинчеш. 2024-ше 2025-ше тунемме ийыште 252 школ пашам ышта. Тушто 86 тӱжемат 498 йоча шинчымашым пога. Нунын коклаште 8 тӱжемат 21 йоча икымше классыш толеш. «Туныктымашын школ системыжым уэмдымаш» федерал программе кышкарыште вич муниципал школым капитально олмыктымо, эше ик школышто олмыктымо пашам икымше ноябрьлан мучашлаш шонат. Тиддеч посна рӱдӧ оласе «Восточный» микрорайонышто тӱжемат 100 верлан у школым чоҥымо, Руэмысе кыдалаш школ деке 725 верлан ешарен чоҥымо пашат умбакыже шуйна. Тудым 31-ше декабрьлан мучашлаш шонат. Спортзал 224 школышто уло. Моло 28 тӧнежыште тунемше- влаклан занятий воктелсе вес школышто эртаралтеш. Йоча- влакын тазалыкыштым медицина пашаеҥ- влак эскерат. 141 школышто медицина кабинет уло. Молыштыжо медицина пашаеҥ- влак ойпидыш почеш йоча- влакым эскерат.
