Сенатор Сергей Мартынов Элнет селаште школым терген

Сенатор Сергей Мартынов Элнет селаште школым терген
             Сенатор Сергей Мартынов Элнет селаште школым ончен лектын. Федераций Советыште Марий Эл деч представитель Сергей Мартынов Параньга районысо Элнет тӱҥ школыш миен. Тушто икымше сентябрьыште техник да естественно-шанче корно дене «Точка роста» тунемме рӱдерым почаш  ямдылат. Тыгай рӱдерлам ыштыме кугу паша «Кызытсе школ» федерал проект почеш шукталтеш. Школышто класс- влакым олмыктымо, у мебельым шындыме, тунемме оборудованийым, компьютер ден планшетым налме. Тиддеч посна туныктышо- влак «Химий», «Биологий», «Физике» предметла дене программым ямдылышыла йоча- влакым шанче деке кумылаҥдаш тыршат. Ятыр туныктышо «Точка роста» рӱдерыште пашам ышташ квалификацийым нӧлтымӧ курсым эртеныт. Сергей Мартынов тидымат палемден: кызыт российысе туныктымо системыште тунемме пашан лӱдыкшыдымылыкшылан кугу тӱткыш ойыралтеш. Тыге Элнет школыштат аралыше антитеррорист инфраструктурым вияҥдыме, йӱкын увертарыше системым, у домофоным вераҥдыме. Тунемме тӧнеж йырым- йыр тергалтеш. Кызыт тиде ик эн кӱлешан приоритет улеш.
           Фото: Сергей Смирнов.

Прошлые выпуски