«Паллада» парус клубын юнгыжо- влак кугыжаныш тисте кечым мӧҥгӧ деч тораште палемденыт
«Паллада» парус клубын юнгыжо- влак кугыжаныш тисте кечым мӧҥгӧ деч тораште палемденыт. Рвезе- влакын икымше тӱшкашт Кронштадтыште кугыжаныш тистым нӧлталмаште лийын. Кзьмодемьянскын самырык морякше- влак тиде чапым налше олашке Самырык- влакын теҥыз лигыштын ӱжмыжӧ почеш миеныт. Нуно мемориал вершке лийыныт- Россий флотын шепкаже- Кронштадтым онченыт, «Ольга» тунемме шхунышто ийме практикым эртеныт. Самырык моряк- влакын кокымшо тӱшкаже- «Шнуй Косма» марий тунемме парусникын экипажше Российын Кугыжаныш тистыжым Озаҥ олаште торжественно нӧлталын. Юнга- влак тушко шке пушышт дене «Марий Элысе парус йымалне школ» парус клубын проектше кышкарыште миеныт. Нуно Кокшайскыште, Зеленодольскышто, Свияжскыште, Озаҥыште лийыныт да теҥгече Звениговыш лектыныт. Нуным ончылно эше шуко оҥай вуча. Палладовец- влак Чебоксарыш пурен лекмеке шочмо серыш пӧртылыт. Эрла 24-ше августышто Козьмодемьянск олан кечыжлан пӧлаклалтше тӱвыра мероприятийыште участвоватлат.
Фото: «Паллада» парус клуб.
Фото: «Паллада» парус клуб.
