Республикыштына шуко пачеран пӧрт- влакын кудывечыштым умбакыже олымктат

Республикыштына шуко пачеран пӧрт- влакын кудывечыштым умбакыже олымктат
            Ме чыланат калыклан пашам ыштыше ик команде улына,-каласен Юрий Зайцев. Республикыштына шуко пачеран пӧрт- влакын кудывечыштым умбакыже олымктат. Марий Элым вуйлатышын тӱҥалтышыже почеш программе 2022-шо ийыште пашам ышташ тӱналын. Тений шошым республикысе кудывечылаште корно ден тротуарым олмыкташ регионысо бюджет гыч 315 миллион теҥгем ойырымо ыле. Теҥгече Юрий Зайцев Ленин проспектысе 12-шо 14-ше пӧрт кудывечылам тӱзландарыме пашам ончен. Ондакырак нине да лишыл пӧртлаште илыше- влак республикым вуйлатыше деке корно ден тротуарлам, парковкым асфальтироватлыме йодыш дене лектыныт ыле. Кызыт республикым вуйлатышылан увертарыме: пӧрт деке пурымо корнышто асфальтым пыштыме, тротураым да подъездла деке пурымо корным ыштыме. Глава пашам кӱлеш семын ыштымым палемден.
              Вара Юрий Зайцев 14-ше гимназийысе «Пилотдымо авиаций системе- влак» рӱдерыш миен. У тунемме ий гыч тунемше- влак пилотированийлан, БПЛА-м погаш, 3Д моделированийлан тунем кертыт. Проектым шыҥдараш 12 миллион утла теҥгем ойырымо. Занятийым 150 тунемшылан ямдылат. Паша дене коштмо годым Юрий Зайцев деке Мер контрольын еҥже Григорий Кузнецов йодыш дене лектын. Тудо Ленин проспектысе 50-ше, 52-шо А да Б пӧрт кудывечылам олмыкташ йодын.
             Тиде тургымышто урем-корно сетьын икмыняр объектшым олмыктымо. Сад да Шумелёв уремласе корно ешартыш объект лийыныт да ончылтен ик ий ончыч нуным олмыктымо. Глава нунымат ончен лектын. Тыгай пашам умбакыжат шуйымо лиеш. Программым шыҥдарыме кок ийыште 50 утла кумдыкым шотыш кондымо. Республикым вуйлатыше подряд организаций ден мер контрольын еҥыштлан профессионализм ден оперативностьыштлан таум каласен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски