Таче - Россий Тистын кечыже
Таче элыштына Россий Тистын кечыже палемдалтеш. Марий Элым вуйлатыше, Правительстве председатель Юрий Зайцев Республикысе калыкым тиде кече дене саламла. Российын триколоржо калыкын икоян улмыжым ончыктышо символ, кызытсе да ончычсо илыш, ончычсо тукымын да передовойышто тачысе герой- влакын чапле подвигышт дене кугешнымашым ончыкта. Тиде пайрем ий гыч ийыш илышышкына пеҥгыдынрак пура да Ачамландын мондаш лийдыме акшым, тудын поян историйжым да волгыдо ончыкылыкшым ончыкта. Тиде кечын СВО-што достойнын шке порысыштым шуктышо военнослужащий- влакым шарналташ кӱлеш. Нуно Элнам, тудын суверенитетшым да тичмаш кумдыкшым аралат. Элланна тиде куштылго огыл жапыште Кугыжаныш тистын кечыже ойыртемалтше значенийым налеш. Тудо сеҥымашлан, калыкын вийжылан кокытеланыде ӱшанымашым очыкта. Республикыште илыше калыклан тазалыкым, тыныслыкым, улан илышым да сеҥымаш- влакым тыланем,- ойлалтеш республикым вуйлатышын саламлымашыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
