Куженер районышто йочам шала коштшо пийын пурлмыжлан лу тӱжем теҥге компенсацийым тӱлат
Куженер районышто йочам шала коштшо пийын пурлмыжлан лу тӱжем теҥге компенсацийым тӱлат. Республикын Верховный судшо прокуратурын позицийже дене келшен да апелляций представленийым шуктен. Рашемдыме: 2022-шо ийын февральыште Шорсола ялысе шуко пачеран пӧртын кудывечыштыже шала коштшо пий лу ияш рвезым эрдыже гыч пурлын. Йочан капше эмганен, районысо эмлыме верыште амбулаторно эмлымашым эртен да пурлмо деч шӱм-чон да уш-акыл орланымашым чытен. Прокуратура Советский районысо судыш искым колтен, суд йодмашым шукташ тореш лийын. но прокуратура йочан права ден интересшым аралышыла апелляций представленийым Республикысе Верховный судыш пуэн. Республикын Верховный судшо прокурорын мутшо дене келшен да район администрацийлан йочан законло представительжылан мораль эҥгеклан лу тӱжем теҥге оксам тӱлыкташ пунчалын. Прокуратура суд актым шуктымым терген шога.
