«Ший кож» поро кумыл акцийым тӱҥалме

«Ший кож» поро кумыл акцийым тӱҥалме
           Вӱдышӧ партий «Ший кож» поро кумыл акцийым тӱҥалын. Партийын регионысо пӧлкалаштыже да мер полыш штаблаште интернат-пӧртлаште илыше да шкет илыше шоҥгыеҥ- влаклан 15-ше декабрь марте пӧлекым погымаш эрта. Тиддеч посна партийын чолга еҥже- влак илалше-шамычлан пайрем мероприятий- влакым ямдылат. Мемнан элыштына кугу ийготан еҥ- влакын илыме тӱжемат 800 утла социал обслуживатлыме стационар организаций пашам ышта. «Кугурак тукым» партпроектын еҥже- влак да ший волонтёр- шамыч нунылан тӱрлӧ полышым пуат. «Ший кож» поро кумыл акций пайрем кумылым нӧлта да тӱткыш ден полышым шижаш полша,- каласен проектын координаторжо Галина Карелова. Мер полыш штаблаште да Партий пӧлкалаште лӱмын ыштыме боксым вераҥдат. Тушко пӧлек- влакым опташ лиеш. Илалше- влаклан могай пӧлекым ышташ лиеш?- илышыште кӱлешан арверым, шокшо пледым, вакшышыш шартышым, спорт костюмым, кочкыш наборым. Вара тушечын доброволец- влак у ий пӧлек наборым чумырат, мотрын пӱтырат да шоҥго еҥ- влакын илыме пӧртлашке пуат. Марий Элыште Инвалид- влак декада вашеш икымше гыч 15-ше декабрь марте шоҥгыеҥ да инвалид- влакым социал обслуживатлыше стационар тӧнежлашке миен Партий деч пӧлек- влакым кучыкташ палемдыме. Акцийыш ушнен,  пӧлекым кажне кумылан еҥ кучыктен кертеш. Кӱлешан арвер- влакын спискыштым партийын верысе пӧлкалаштыже пален налаш лиеш, каласен «Кугурак тукым» парт проектын республикысе координаторжо Александр Майоров.
            Фото: «Единый Россий» партий.

Прошлые выпуски