Куженер районысо калык догазификацийыште чолганрак тырша

              Куженер районысо калык моло дене таҥастарымаште догазификацийыште чолганрак тырша. Районысо 50 ялыште илыше калык 512 йодмашым пуэн. Эн чыр улыт Руш Шой, Йӱледӱр, Шӱдымарий калык. 463 йодмаш почеш ойпидышым кылдыме. Участке чек марте 400 наре газпучым шупшмо, 291 еш уже канде тул дене пайдалана. «Газпром газораспределение Йошкар-Ола» предприятийын исполнительный директоржын алмаштышыже Игорь Ганичевын мутшо почеш, районысо калыкын чолгалыкше теве мо дене кылдалтын. Нуно догазификацийын икымше участникше лийыныт. 2019-ше 2021-ше ийлаште тушто посёлкыла кокласе кум кугу газпучым пашаш колтымо. Шуко пӧртыштӧ кӧргӧ сетьым ыштыме ыле. Сандене нуно участке марте пучым яра пуртымо йӧн дене моштен пайдаланат. Догазификаций программыш тыгак Медведево да Курык марий районысо калык чулымын ушнен. Курык серыштыже август мучаш марте 291 пӧрт деке пучым пуртен чоҥымо да монтаж пашам мучашлаш шонат.

Прошлые выпуски