Волжск олаште закондымын азарт дене модмашым эртарымылан кок пӧръеҥым судитлыме

          Волжск олаште закондымын азарт дене модмашым ямдылыме да эртарымылан кок пӧръеҥым судитлыме. Волжск оласе суд Волжск оласе 40 ияш да Чуваш республикысе 37 ияш пӧръеҥлан титаклыме приговорым луктын. Судышто рашемдыме: титаклыме еҥ- влак ончылгоч кутырен келшен, Волжск олаште пӧлемым налыныт, шоя умылтарымашым кучылтын, компьютер оборудованийым шынденыт. Тудыжо азарт модмашым эртараш программе дене пойдарыме улмаш. Тыге 2020-шо ий 12-шо август марте парышым налыныт. Судышто шке титакыштым умыленыт. Кугыжаныш титаклышын шонымашыжым шотыш налын, суд нунылан кажныжлан 400 тӱжем теҥге гыч штрафым тӱлыкташ пунчалын.

Прошлые выпуски