Пӱртӱс поянлык министерстве мӧҥгышто шӱк-куштырам ойыркален погымо шотышто экспериментым эртарен
Пӱртӱс поянлык министерстве мӧҥгышто шӱк-куштырам ойыркален погымо шотышто экспериментым эртарен. Кок тылзе жапыште Сергей Поповын 4 еҥан ешыже кагаз ден картоным посна поген. Тыге нуно Царьград проспектысе вторичный сырьем погымо пунктыш 22 килограмм макулатурым 134 теҥгелан сдатлен. Палемдена: кызыт республикысе калык отходым наҥгайымылан тылзеш ик еҥлан 83 теҥгем тӱла. Ныл еҥан ешлан 332 теҥгеш погына, кок тылзыште 664 теҥге. Экспериментым шотыш налын, кок тылзыште куштырам лукмылан 134 теҥге лийын да тичмаш ак деч 530 теҥге гына кодын. А талук мучко отходым сдатлымым шотыш налын. Анык 830 теҥгеш погына. Пӱртӱс поянлык министерстве ушештара: тений июньышто «Экософия» проект тӱҥалын. Тудо пайдаланыме культурышто вашталтышым ыштыше чолга еҥ лияш шонышо- влаклан да пайдале экологий койышым вияҥдаш манын виктаралтын. Тушко кажне кумылан еҥ ушнен кертеш.
Пӱртӱс поянлык министерствын фотожо.
Пӱртӱс поянлык министерствын фотожо.
