Йошкар-Олаште видеокамера олам тӱзландарыме правилым пудыртылшо- влакым войзен налын

            Йошкар-Олаште видеокамера олам тӱзландарыме правилым пудыртылшо- влакым войзен налын. Карл Либкнехт уремысе контейнер площадке воктеке икмыняр еҥ прицепан машина дене толын кондымо шӱк куштырам да чоҥымо отходым контейнер площадке шеҥгеке ястарен коденыт. Илалше пӧръеҥ шижтараш тӧчен гынат, нуно нимом колыштде  машинаш шинчын мӧҥгеш кудалыныт. Но машина номерышт видеокамерын шинчашкыже логалмым шотыш налын огытыл. Видеозаписьым правам аралыше органыш колтымо. Ынде нуным 3 гыч 4 тӱжем теҥге марте штраф вуча. А должностной еҥ- влак 5 гыч 15 тӱжем теҥге марте тӱлат, юридический лица- влак 15 гыч 25 тӱжем теҥге марте луктын пыштат. Тыгай пашам уэш ыштымалын штраф эшеат кугемеш.
           Йошкар-Ола администрацийын фотожо.

Прошлые выпуски