Куженер да Шернур районлаште трактор да прицеп- влаклан технический осмотрым эртараш тӱналме
Кодшо кечылаште Куженер да Шернур районлаште трактор да прицеп- влаклан технический осмотрым эртараш тӱналме. Эн ончычак тергаш «Куженер» иземдыме ответственностян ушемын механизаторжо- влак ямдыленыт. Санитар- эпидемиологий сӱретым ончыде, нуно шошо ага пашалан жапыштыже ямдылалт шуыныт. 16 тарктор да 15 прицепым ямде радамыш шогалтыме. Механизатор- влак технике дене пайдаланаш свидетельствым налыныт да пасуш лекташ ямде улыт. Шернур районысо «Земледелец» озанлыкыштат техникым приниматлымаш график деч кок арнялан ончыч эртен. Техникым тергаш ямдылен шуктышо тиде але икымше озанлык. Тушто 22 трактор да 17 прицеп пашаш лекташ ямде. Чер шарлыме лӱдыкшылан кӧра, механизатор- влак дене погынымашым эртарен огытыл, но план дене кажныжым палдарыме. Мланде топланен шумек пасуш лекташ ямде улыт.
