Куженерыште парк вашке ямде лийшаш

Куженерыште паркым тӱзландарыме паша мучашыш лишемеш. Теҥгече посёлкысо паркым пужен ыштыме кокымшо черетысе пашажлан приёмкым эртарыме. Верысе калык чоҥмыо пашам мучашлымым чытен-чытыде вуча. Паркыште  йолгорно- влакым ышташ, 12 теҥгылым, 6 урным, 20 светильникым вераҥдаш палемдыме. Тиде сомыллан ныл миллион наре теҥге оксам ойырымо. Тыгыде паша- влак гына кодыныт. Посёлкысо администрацийым вуйлатыше Павел Курочкинын мутшо почеш, йолгорно- влакым ыштымеке, паркыште мланде кумдыкым тӧрлаш верысе калыкын полышыжо кӱлеш. Чыла кумылан- влакым нылымше сентябрьыште  13 шагатлан паркыш суботникыш ӱжыт. Пелен маскым, кольмым, шорвондым, перчаткым налаш темлат.

Прошлые выпуски