Кылме чер дене черланыше- влак ешаралтыныт
Республикыштына кылме чер дене черланыше- влак ешаралтыныт. Кодшо арнян кундемна мучко ныл тӱжемат 200 утла еҥлан ОРВИ диагнозым шындыме. Ончычсо арнян кумшӱдӧ наре еҥлан шагалрак лийын. Черланымаш эпидемий кӱкшыт деч индеш утла процентлан, ончычсо арня деч 7 наре процентлан шукырак лийын. Грипп дене черланыше- влак лийын огытыл. Йошкар-Олаште черланыше- влак эпидемий кӱкшыт деч 15 процентлан, ончычсо арня деч 13 процентлан шукырак улыт. Кодшо арнян Волжскышто, Йошкар-Олаште, Юрино да Медведево районласе кок школын вич классыштыже да кум йоча садын кум группыштыжо туныктымо да шуарыме пашам жаплан чарыме ыле.
