Волжск олаште калыкле бренд- влакын фестивальышт эртен
Ӱярня пайрем кышкарыште Волжск олаште калыкле бренд- влакын фестивальышт эртен. Шошо ярмингаште Юл сер олаште Марий кӱслем, подкогыльым, Шернурысо сырым, курык марий кравецым ончыктымо. Фестивальым Марий Элым вуйлатыше Александр Евстифеев почын. Республикым вуйлатыше ден олан мэрже Евгений Лебедев пайрем мероприятийлаште участвоватленыт, калыкым Ӱярня пайрем да шошо толмо дене саламленыт. Волжск олам таклан огыл, республикын кечывалвел капкаже маныт. Тудо кугу транспорт коммуникаций да индустрий рӱдер- влак воктене верланен. Тидыже кушкаш йӧным пуа. Сандене ончыкылык планым ыштыме годым тиде шотыш налалтеш.- каласен Александр Евстифеев. Тымарте чоҥымо да олмыктымо паша- влакым ушештарен. Кызыт азам ыштыме пӧртым чоҥаш тӱҥалме, «Тумер» проект шыҥдаралтеш, нылымше школым капитально олмыкташ, ече роллер трассым, виш физкультура да тазалыкым пеҥгыдемдыме комплексым чоҥаш палемдыме, корно олмыкталтеш,- манын. Волжск таче мурымо, куштымо, кулинар йӱла да тӱрлӧ калыкын тӱвыражым ушен шога. Вара Александр Евстифеев погынышо калыкым олан у мэрже Евгений Лебедев дене палымым ыштен.
Фото: Республикым вуйлатышын организационно-аналитик виктемже
Фото: Республикым вуйлатышын организационно-аналитик виктемже
