Пермь олаште таче луымшо лӱмгече телымсе ял спорт модмаш- влак тӱҥалыныт

                       16-шо гыч 20-шо март марте Пермь олаште Россий кӱкшытан луымшо лӱмгече телымсе ял спорт модмаш- влак эртат. Нуно «Спорт илышын нормыжо» федерал проект кышкарыште лийыт. Ялысе модмаш- влак ынде 20 ий ялысе физкультура толкынын йӱлажым арален кодаш, ял озанлык производствышто самырык- влакым кодаш йӧным ышта да ял кундемлаште физкультура да спорт пашам кузе виктарымым ончыкта. Марий Элын командыжым регионысо йыжыҥыште эртыше таҥасымаш негызеш чумырымо. Тудо теҥгече Пермь олаш каен. 19 еҥан команде шахмат да шашке, полиатлон де ече дене таҥасымаште чолгалыкыштым ончыктат, механизатор, ушкалым лӱштышӧ, спорт еш коклаште моштымашышт ден таҥасат.

Прошлые выпуски