Ветеринар врач- влакын икымше выпускышт лийын
Марий университетыште ветеринар врач- влакын икымше выпускышт лийын. Кодшо кечылаште аграрно-технологий институтым «Ветеринарий» специальность дене тунем пытарыше-влаклан кугыжаныш иктешлыше аттестаций эртен. Кугыжаныш комиссийын еҥже- влак выпускник- влакын сай шинчымашыштым палемденыт. Ушештарена: 2016-шо ийыште МарГУ «Ветеринар врач» высший квалификациян специалист- влакым ямдылаш лицензийым налын. Икымше студент радамыш вӱдышӧ ял озанлык предприятийла гыч пашам ыштыше ветеринар фельдшер- влак пуреныт. Тыге шым еҥ шке дипломжым налын.
Фото: https://marsu.ru/
Фото: https://marsu.ru/
