Утларак ямде улмо режимым 18-ше апрель марте шуйымо

                        Республикым вуйлатыше Александр Евстифеев шке Указышкыже вашталтышым пуртен да Марий Элыште утларак ямде улмо режимым 18-ше апрель марте шуен. Тӱшка мероприятий- влакым эртараш чарымаш- влак ончычсо указ дене келшышын кучылталтыт. Исключенийлан сайлымаш ден референдумым эртарымаш, Кугу Сеҥымашлан 76 ий темме лӱмеш парадын торжественный ужашыже шотлалтыт. Тиддеч посна республикым вуйлатыше чарымаш жапыште пашам ыштыше организаций- влакын перечньышкышт вашталтышым пуртен. Ончычсо семынак кугу тӱшка мероприятийым эртараш ок лий, аралалтме средствым кучылтман да дистанцийым эскерыман. Санитар эпидемиологий мерым эскерен, спорт да физкультура мероприятийым, сайлымаш дене референдумым, сеҥымаш парадын торжественный ужашышым эртараш лиеш. Йотэлыш каяш чарымаш, самоизоляцийыште лиймаш, дистанций гыч пашам ыштыме режим кораҥдалтеш. Тыгак вучымо да обслуживатлыме зал, спорт объект- влакым тичмаш кучылташ лиеш. Книгагудо- влак калык дене пашам ыштен кертыт, ЗАГС-ыште мужырым регистрироватлыме годым уна- влакым ӱжаш ок чаралт.

Прошлые выпуски