Волжск олаште кӱлешан объект- влакым чоҥат
Марий Элым вуйлатыше Александр Евстифеев Волжск олаште республикым социал- экономик велым вияҥдыме индивидуал программе кышкарыште шыҥдарыме кӱлешан проект- влакым чоҥымым ончен. Волжскышто паша дене лийме годым тудо кок площадкыш миен. Тушто оласе кок кӱлешан объектым чоҥаш палемдыме. Иктыже- азам ыштыме пӧрт. Тудым вес ийын чоҥен шуктыман Пашам 11-ше февральыште тӱҥалме. Смете акше – 450 миллион теҥге. Тудо вара кум районым обслуживатлен кертеш. 110 миллион теҥгелан оборудованийым кызытак налаш темлыме. Вес объектше- тиде «Александровский водозабор». Тудо тичмаш ола округлан вӱдым ситара. Тудо кок йыжыҥ дене шыҥдаралтеш. Икымше йыжыҥже- 2024-ше ий мучашыште шукталтшаш. Но тудым ончылгоч мучашлаш манын, 2024-ше ийлан палемдыме оксам. 2021-ше да 2022-шо ийыш кусараш мутланымаш кая. Кокымшо йыжыҥлан проект да смете документаций ямдылалтеш. Тушто куд меҥге кужыт вӱд пучым шупшаш, 10 у скважиным буритлаш палемдыме. Олалан вӱд да сай качестван моткоч кӱлешан,- иктешлен Александр Евстифеев.
