Кызыт Марий Элыште 14 тӱжемат 900 специалист кӱлеш, а 2029-ше ийлан 15 тӱжемат 500 еҥ кӱлеш лиеш

Кызыт Марий Элыште 14 тӱжемат 900 специалист кӱлеш, а 2029-ше ийлан 15 тӱжемат 500 еҥ кӱлеш лиеш
                Кызыт Марий Элыште 14 тӱжемат 900 специалист кӱлеш, а 2029-ше ийлан 15 тӱжемат 500 еҥ кӱлеш лиеш. Экономикын отрасльже- влак вияҥме дене Марий Элыште вакансийын чотшат кугемын. Тидын нерген Марий Элым вуйлатыше Юрий Зайцевын телеграм-каналыштыже увертарыме. Марий Элыште обрабатыватлыше производствышко кок тӱжемат 900 наре еҥым ушаш кӱлеш, але тӱрыс вакансий гыч 19 утла процентым. Ужалкалыме сферышке кок тӱжемат 100 еҥ кӱлеш, а чоҥымо аланышке- тӱжемат 300 еҥ. Тиддеч посна специалист- влакым туныктыш, ял озанлык да чодыра озанлыклашке, кугыжаныш виктем ден моло отрасльлашке вучат. Специалист- влакын прогнозышт почеш Марий Элыште тений 14 тӱжемат 900 кадр кӱлеш, а 2029-ше ийлан тиде цифре 15 тӱжемат 500 еҥ марте кушкеш. Тений гыч республике у «Кадры» калыкле проектыш ушна. Тудо кӱлеш пашаеҥ- влакым вашке да сай качестве дене ямдылаш полша,- ойлалтеш Юрий Зайцевын телеграм-каналыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски