Лӱмлӧ композитор Вениамин Захаров 70 ияш лӱмгечыжым палемден

Лӱмлӧ композитор Вениамин Захаров 70 ияш лӱмгечыжым палемден
              Лӱмлӧ композитор, Олык Ипай лӱмеш самырык- влак премийын, Марий АССР Кугыжаныш премийын лауреатше Вениамин Захаров 70 ияш лӱмгечыжым палемден. Марий Эл сымыктышын сулло деятельже 1954-ше ийын 12-шо декабрьыште Морко районышто шочын. Тудо ӱмыржӧ мучко сем дене кылдалтын. музыкальный училищым тунем пытарыме деч вара Озаҥысе кугыжаныш консерваторийым тунем пытарен. Руш драма театрыште, Курчак театрыште пашам ыштен, кызыт Марий самырык театрыште сем ужашым вуйлата. Республикысе театрлаште 150 утла спектакльлан семым возен. ТЮЗ-ышто гына 50 утла спектакльлан семым келыштарен. Тудын возымо муро- влак калык коклаште кугу йодмаш дене пайдаланат.
           Фото: «Марий краевед» савыктыш пӧрт ВК

Прошлые выпуски