Лӱмын эртарыме сар операций кундемыш Марий Эл гыч черетан тӱшка гуманитар грузым колтымо
Лӱмын эртарыме сар операций кундемыш Марий Эл гыч черетан тӱшка гуманитар грузым колтымо. Мемнан деч мобилизоватлыме еҥ-влаклан 20 тонн наре полышым чумырымо. Нунын радамыште сложный технике, автотранспортлан шапаш ужаш, УАЗ автомобиль, квадрокоптер, тепловизор, кундемын картыжым савыкташ принтер да молат улыт. Тиддеч посна боец- влаклан озанлык сатум колтымо: генератор ден бензопилам, изоляций материалым, быт кӱлешлыкым, гигиенылык средствым. Правительстве председательын алмаштышыже Степан Воронцов палемлен: Марий Элым вуйлатышын кӱштымыжӧ почеш гуманитар полыш дене конвой- влак чарныде чумыралтыт. Тиде гана медицина оборудованиян УАЗ автомобильым колтымо. Тудо Марий Эл гыч мобилизоватлыме 650 утла еҥым обслуживатла. Юрий Зайцев командир- влак дене, «Ачамландым аралыше- влак» СВО-н участникше-шамычлан полышым пуышо фондын филиалжын вуйлатышыже дене эре кылым куча, отпускыш толшо военнослужащий- влак дене вашлиеш, нунын деч мо кӱлешым рашемда. Тидын негызеш груз чумыралтеш да тудын верышке да жапыштыже миен шумыжым эскерен шогена,- каласен Степан Воронцов.
Фото: Йошкар-Ола администраций.
Фото: Йошкар-Ола администраций.
