Российысе палыме писатель Юрий Зайцевлан шке книгажым пӧлеклен
Российысе палыме писатель Александр Звягинцев Юрий Зайцевлан шке «Нюрнберг. Курым- курымешлан» книгажым пӧлеклен. Теҥгече Правительстве пӧртыштӧ Марий Элым вуйлатыше Юрий Зайцев Российысе науко Академийын кугыжаныш да право Институтшын директоржын алмаштышыже, Российын сулло юристше, Россий писатель ушемын секретарьже Александр Звягинцев дене вашлийын. Писатель республикым вуйлатышылан «Нюрнберг. Курым курымешлан» книгажым пӧлеклен. Тудын сылнымут сценарийже почеш мартыште российысе художественный фильм лектын. Тиде фильмын шонымашыжын авторжо Александр Григорьевич улеш. Вашлиймашын участникше- влак историй шарнымашым арален кодымо, граждан позицийым вияҥдыме, школьник- влакым туныктымо программым уэмдыме нерген мутланеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
