Лӱмын эртарыме сар операцийыште участвоватлыше чыла еҥлан полышым тӧр пуыман,- каласен Юрий Зайцев
Марий Элым вуйлатыше лӱмын эртарыме сар операцийыште участвоватлыше чыла еҥлан полышым тӧр пуыман манын. Тидын нерген Юрий Зайцев республикыште частичный мобилизацийлан полшымо шотышто Координационный советын заседанийыштже ойлен. Таче кечылан могай йодыш уло, мо ышталтеш, эше мом ышташ кӱлеш- тидын нерген колыштнем, - каласен Юрий Зайцев. Тидымат палемден: «Кичиер» санаторийыште военнослужащий- влак дене мутланыме годым, эмганыше боец- влак деч тӱрлӧ йодыш пурен. Сандене социал вияҥмаш министр Марина Островская деч рашемдаш йодын: мобилизаций почеш налме, доброволец да моло военнослужащий- влакан оксам тӱлымӧ, льготым пуымо, регионысо полышым пуымаште ойыртем уло мо? Министрын мутшо почеш, регионысо полыш тичмаш пуалтеш, ойыртем федерал льготышто гына лийын кертеш. Вуйлатыше тыгай задачым шынден: республике деч пуымо полыш спецоперацийыште участвоватлыше чыла еҥлан пуалтмым терген шогыман. Ме иктымат ойыркалышаш огынал, но кӧлан полыш кӱлешым рашемдаш кӱлеш. Госпиталь деч вара южыжо нигушкат ок кай, мӧҥгыштӧ шинча. Ме чылаштым лӱмышт дене палышаш улына. Сандене проблеме да йодыш реестрым ышташ кӱлеш, - каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
